ઇશ એટલે……
ભીની પાંપણો પર..
થીજી ગયેલ બે અશ્રુબિંદુમાં,
ચળકતી પ્રતીક્ષા……

ઇશ એટલે….
બળબળતી બપોરે
ધગધગતા રણમાં
તપેલી રેતીની અખૂટ તરસ…..

ઇશ એટલે….
મોરપીંછ સંગાથે
વનરાવનમાં વેરાયેલ ટહુકાથી
વીંધાયેલ વાંસળી….

ઇશ એટલે….
પરમ સમીપે પહોંચવાની
ક્રિષ્ણને પામવાની
અદમ્ય અભીપ્સા…..

ઇશ એટલે….
પ્રેમપંથની પાવક જવાળામાં
લીલીછમ્મ લાગણીની
ઘેરી અનુભૂતિ….

ઇશ એટલે….

koi --- ના
પ્રેમ અને આનંદનો
સહજ,સ્વયંસ્ફૂરીત
એકમાત્ર પર્યાય…..