Apni tasveer ko ankhon say lagaataa kya hai,

Ek nazar meri taraf dekh tera jaataa kya hai,

Meri rusvaayi mein tu bhi hai brabar ka shareeq,

Meray kissay meray yaron ko sunaataa kya hai,

Paas reh kar bhi na pehchaan sakaa tu mujh ko,

Duur say dekh kar ab haath hilaataa kya hai,

Umar bhar apnay girebaan mein uljhnay vaalay,

Tu mujhay meray saaye say daraataa kya hai,

Main tera kuchh bhi nahi hun magar itna tou bataa,

Dekh kar mujh ko teray zehan mein aataa kya hai,

Ek nazar meri taraf dekh tera jaataa kya hai,

Apni tasveer ko ankhon say lagaataa kya hai,